三大天然豐胸方法全攻略 教你輕鬆升Cup唔使靠藥物

唔少女仔為咗追求理想身材，會盲目購買市面嘅豐胸藥物，結果食咗成分不明嘅劣質產品，搞到身體變差之餘，胸部尺寸依然冇改善。其實要有效升Cup未必一定要依賴豐胸產品，只要掌握正確嘅豐胸方法，從生活習慣入手，你都可以同「飛機場」呢個稱號講拜拜！今日就同大家詳細介紹3種天然又安全嘅豐胸方法，等你可以健康咁塑造完美曲線。

豐胸方法(1)－每日進食豐胸食材

好多女仔為咗減肥而節食，令身體缺乏足夠營養供應，特別係發育期間如果營養吸收不足，好容易導致胸部發育不良！所以女仔應該把握青春期呢個黃金發展階段，多食唔同種類嘅豐胸食物，效果會更加明顯。例如多食含有豐富蛋白質嘅雞肉、豆漿、牛奶等，同時要多食堅果類同海鮮類食品，可以有效刺激荷爾蒙分泌同促進胸部組織生長。

就算過咗發育期踏入二三十歲嘅階段，持續食豐胸食物仍然係一個非常有效嘅豐胸方法。只要揀啱食材，無論咩年紀都可以增加胸部脂肪，只要堅持一段時間就會見到不錯效果。如果選擇健康嘅豐胸食物，再配合適當運動同其他豐胸方法，就唔使擔心身體其他部位會變肥。

豐胸方法(2)－每日進行豐胸按摩

相信各位女仔都認識瑜伽達人Coffee林芊妤啦！佢擁有前凸後翹嘅性感身材，尤其係驕人嘅上圍令人非常羨慕。佢經常喺Youtube分享塑造身材嘅好方法，其中一段影片就分享佢每日都會做嘅豐胸按摩技巧，有效令胸部更加挺拔，將附近嘅贅肉重新集中返喺胸部位置，令胸型更加美觀同時可以暢通乳房淋巴管道，對女性健康大有裨益，一齊嚟睇下呢個豐胸按摩方法點樣進行啦。

Coffee林芊妤每日豐胸按摩手法：https://www.youtube.com/watch?v=130J6eUpYVo

豐胸方法(3)－定時進行豐胸運動

健身練胸並唔係男士專利，女仔都可以多去健身室或者喺屋企舉啞鈴訓練胸部，有助塑造更靚胸型，令乳房更加緊緻挺拔，係一個簡單實用嘅豐胸方法。你可以每日進行以下兩個豐胸運動。

第一個運動豐胸方法係伏地挺身（掌上壓），可以訓練到覆蓋胸部最大範圍嘅胸大肌，令胸部變得更加結實，同時視覺上更加豐滿。不過大部分女仔力量唔夠，所以建議先進行跪姿或者向牆伏地挺身，記得雙手橫向同肩膊同寬，想像緊夾住胸部然後用力，來回完整先算1下，10下為1組，每次進行3組就可以。

第二個運動豐胸方法係後背抬手伸展，有啲女仔因為經常對住電腦或者手機，導致出現寒背現象，令胸部睇落更細，甚至凹陷入去。多練習呢個豐胸方法就可以令身體恢復正確姿勢，放鬆緊繃嘅胸肌，解決寒背問題，重新令胸部向前挺起！只需要雙手向後背伸展然後十指緊扣，感受胸腔隨住手部伸展，維持20秒為1組，每次進行3組就可以。

只要堅持以上嘅豐胸方法，將練習變成習慣，擁有完美身材就指日可待！